Жаңғақ ішіндегі есірткі: қызылордалық тұрғын ұсталды

Қызылорда облысында азамат қамауда отырған танысына жаңғақ ішіне есірткі жасырып өткізбек болды, деп хабарлайды Azattyq Rýhy.

Сараптама қорытындысы бойынша, жаңғақ ішіндегі зат 8,56 грамм келтірілген марихуана екені расталды. Аталған дерек бойынша ҚР ҚК-нің 296 -бабының 2- тармағына сәйкес сотқа дейінгі тергеп тексеру амалдары жүргізіліп жатыр.

«Мекеме қызметкерлері әрбір келушілерге сотталғандардың пайдалануы мен қолданылуына тыйым салынған заттарды әкелу заң алдында жауап берілетіндігін ескертсе де, осындай жағдайлар тіркелді», – дейді жедел бөлім тобының жедел уәкілі Бекнұр Байдүсен.