«Асфальт мүлдем болмаған сияқты»: Айнұр Тұрсынбаева Демеу Жадыраевтың ауылын көрсетті
Ол олимпиада жүлдегерінің ауылына да асфальт төсеу керегін айтты
Айтыскер, ақын Айнұр Тұрсынбаева Париж олимпиадасында грек-рим күресінен күміс жүлдегер атанған Демеу Жадыраевтың туған ауылын көрсетіп, жолдарын сынады, деп хабарлайды Azattyq Rýhy.
«Бауырымыздың жарысын бәріміз күттік қой. Олимпиаданың күмісі бұйырған екен, құтты болсын. Үшарал халқы алаңға шығып осы жарысты тамашалаған екен. Чемпион ұлдардың ауылына жасалған жағдай бізге де жасала ма деген үміт те бар еді ғой. Осындай батыр ұлдың ауылына да асфальт төсеп, Жетісу жұрты тік тұрып қарсы алғалы жатқан шығар. Медаль құтты болсын, қазақ елі», - деп жазды ол.
Еске салсақ, осыған дейін олимпиада чемпионы атанған Елдос Сметовтің үйіне баратын жолға Жамбыл әкімдігі асфальт төсеп берген еді.
