Тараз әкімдігі Елдос Сметов тұратын көшеге асфальт төсеп берген (ВИДЕО)

Париж Олимпиадасының чемпионы, дзюдошы Елдос Сметовті күтіп алу үшін Тараз әкімдігі оның үйіне апаратын жолға асфальт төсеген, деп хабарлайды  Azattyq Rýhy.

Әлеуметтік желіде чемпионның үйінің алдына асфальт төселіп жатқаны туралы видеолар тарады. Ал Жамбыл облысы әкімінің штаттан тыс кеңесшісі, журналист Дастан Исламбек өзінің парақшасында осы ақпаратты растаған.

«Елдос Сметовтің үйіне баратын жолға асфальт төселді. Бұл - мақтану емес», - деп жазды ол. 

Париж олимпиадасының чемпионы Елдос Сметовті бүгін жұртшылық Алматы әуежайынан күтіп алған еді.

Еске салсақ, Елдос Сметов Париж олимпиадасында Қазақстанға дзюдодан алтын сыйлаған тұңғыш спортшы атанды.