Оралда 47 жастағы жұмысшы көпірден құлап, мерт болды

Оралда 47 жастағы жұмысшы жаяу көпірден Шаған өзеніне құлап, мерт болды, деп хабарлайды Azattyq Rýhy.

БҚО еңбек инспекциясы бойынша басқармадан түскен мәліметке қарағанда, жұмыс беруші мекеме – «Батыс Ақжол Строй» ЖШС-дан металл конструкциялары монтаждаушысының жазатайым қазаға ұшырағаны жөнінде хабарлама түскен.

«Осыған байланысты басқарма жазатайым оқиғаны арнайы тексеру үшін комиссия құрады. Оқиғаның мән-жайы мен себеп-салдары анықталатын болады», - деп хабарлады ведомстводан.

БҚО полиция департаментінің баспасөз қызметі қазіргі кезде аталған дерек бойынша сотқа дейінгі тергеу амалдары жүргізіліп жатқанын жеткізді.