Ақтөбеде 200 үлескерді алдаған алаяқ сотталды

Ақтөбеде үлескерлердің ақшасын иемденген алаяқ 6 жылға сотталды. Ол 200-ден астам үлескерден 1,8 млрд теңге алған, деп хабарлайды Azattyq Rýhy.

Сотталушы «Алаш Орда-1» және «AviatorPremium» тұрғын үй кешенін салу үшін ақшаны алдап, алып алған. Ол 6 жылға сотталды.   

Үкім заңды күшіне енген жоқ.

Сондай-ақ, қазіргі таңда 7 проблемалық үйдің 2 құрылыс салушысына қатысты қылмыстық істер сотта қаралуда.

Сонымен қатар, прокуратура хабарлауынша, 8 жосықсыз құрылыс салушы үлескерлерден ақша алу үшін рұқсатсыз пәтерлерді сатқаны үшін 6 млн теңгеден астам айыппұл төледі.