Кентауда 3 жасар балақай пәтерді іштен кілттеп, жалғыз қалып қойды (ВИДЕО)

Түркістан облысында полицей пәтерде жалғыз қалған бүлдіршінді құтқарып қалды, деп хабарлайды Azattyq Rýhy.

Кентау қалалық полиция бөліміне жергілікті тұрғын әйел көмек сұрап хабарласқан. Оның айтуынша, үйінде 3 жасар қызы есікті ішінен құлттап алған.

Оқиға орнына учаскелік полиция инспекторы Есімхан Бағзатхан дереу барып, пәтердің 5-қабатта орналасқанына қарамастан, көршісінің балконы арқылы ішке кіріп, бүлдіршінді анасына аман-есен табыстады. Ал балақайдың анасы полиция қызметкеріне алғысын айтты.

Полиция балаларды қараусыз қалдырмауды ескертеді.