Тауға мал бағуға кетіп, аттан құлаған жігіт сарқырама маңынан табылды (ВИДЕО)

Жетісу құтқарушылары тікұшақпен жарақат алған адамды эвакуациялады

Фото: видеодан скриншот

Жетісу облысы Ескелді ауданының Бұрхан-Бұлақ сарқырамасы маңында құтқарушылар 2003 жылы туған ер адамға тікұшақпен жетіп, көмек көрсетті. Ол тауға мал бағу үшін барып, аттан құлап, арқасынан жарақат алған. Таудан өз бетімен түсе алмады, деп хабарлайды Azattyq Rýhy.

Құтқарушылар 21 жастағы жігітті құтқару үшін тікұшақпен оқиға орнына жетті.

«Құтқарушылар жедел шақырту орнына келіп, ТЖМ «Қазавиақұтқару» тікұшағының көмегімен зардап шеккен ер адамды таудан түсіріп, жедел медициналық жәрдем қызметкерлеріне тапсырды», - деп хабарлады ТЖМ.

Жігіттің жағдайы әзірге белгісіз.