Қонаевтағы бір букмекер жабылып, төртеуі айыппұл арқалады

Қонаев қаласында казиноларды жоспарлы түрде және жоспардан тыс тексеру кезінде 1 букмекерлік кеңсе лицензиясынан айырылды, деп хабарлайды Azattyq Rýhy.

Үкіметтің ресми сайты хабарлап отырғандай, қалада ойын бизнесі субъектілеріне жоспарлы және жоспардан тыс тексеру өткен.

«Тексеру қорытындысы бойынша 1 букмекерлік кеңсе лицензиядан айырылды, 4 букмекерлік кеңсеге, 2 ойын автоматтары залына және лотерея операторына айыппұл салынды», - деп жазды үкіметтің сайты.

Дереккөзге сүйенсек, Қазақстанда әлеуметтік желілердегі заңсыз лотереяларға қарсы күрес басталған. «Заңнамаға сәйкес лотереяларды өткізуге айрықша құқық лотерея операторы мен оның агенттеріне ғана тиесілі», - деп хабарлады үкімет.