Түркістан облысында ауыл тұрғыны жылқы ұрлаған

Түркістан облысында полицейлер жылқы ұрлаған күдіктіні ұстады, деп хабарлайды Azattyq Rýhy.

Жедел-іздестіру іс-шараларының нәтижесінде Келес ауданының полицейлері жайылымнан мал ұрлады деген күдікке ілінген жергілікті тұрғынды анықтады.

Нақтырақ айтсақ, полиция бөліміне аудан тұрғынының бірі мал ұрлығы туралы арызданып, белгісіз біреу 700 мың теңге тұратын жылқысын жымқырып кеткенін хабарлаған. Тергеу барысында тәртіп сақшылары күдіктіні, Келес ауданының тұрғынын ұстап, полиция бөліміне жеткізді.

Ұрланған жылқы тәркіленіп, заңды иесіне қайтарылды. Қазіргі уақытта мал ұрлығы фактісі бойынша қылмыстық іс қозғалды.