Бурабайда ауруханаға түскен балалардың барлығы аман-есен оралды – лагерь басшылығы (ВИДЕО)

Бурабайдағы «Edelweiss borovoe» балаларды сауықтыру орталығынан ауруханаға түскен жетім балалар лагерьге аман-есен оралған, деп хабарлайды Azattyq Rýhy.

Бұл туралы лагерьдің директоры Әсел Найзабекова хабарлады.

«Барлық бала лагерьге қайта оралды. Барлығының дені сау, дін аман», - деп хабарлады директор агенттік тілшісіне.

Осыған дейін Бурабайға демалуға келген 10 бала науқастанып, Щучьедегі көпбейінді балалар ауруханасына түскенін хабарланған еді. Лагерь басшылығы мен ақпараттың таралуына сеп болған павлодарлық депутат Гүлжайна Даримова арасындағы дауды мына жерден оқи аласыздар.