Жетісуда 3 миллион теңгенің балығын аулаған браконьер ұсталды

Тергеу амалдары басталды

Фото: polisia.kz

Жетісуда 3 миллион теңгенің балығын аулаған браконьер ұсталды, деп хабарлайды Azattyq Rýhy.

Рейдтік іс-шаралар барысында табиғатты қорғау полициясы 400 кг балық ресурстарын заңсыз тасымалдаған Қаратал ауданының тұрғынын ұстады.

«Автокөліктің багаж бөлігін тексеру кезінде тасымалдауға тиісті құжаттары жоқ 400 келі балық анықталды. Алдын ала залал 2 800 000 теңгені құрады. Балық ресурстарын заңсыз аулау фактісі бойынша тергеу басталып, барлық мән-жайлар анықталып жатыр», – деп атап өтті табиғатты қорғау полициясының бастығы Ринат Парманов.

Өңір полициясы Жетісу тұрғындары мен қонақтарын табиғатты қорғау заңнамасын сақтауға және табиғатты қорғауға шақырады.

Мақалада

#браконьер #балық аулау #Жетісу облысы

Алдыңғы жаңалық

Астанадағы қонақ үйлердің бірінде санын сындырған әйел 1,1 млн теңге өтемақы өндіріп алды