Арман Шораев бірге тұратын әйелін ұрды деген күдікке ілінді (ВИДЕО)
Бұған дейін Шораев жасанды интеллекттің құрбаны болғанын жазған
А.Ш есімді азамат бірге тұратын әйелін соққыға жыққаны үшін тергеліп жатыр, деп хабарлайды Azattyq Rýhy.
«Азамат А.Ш-ның үстінен бірге тұратын әйелдің денесіне жарақат салу фактісі бойынша сотқа дейінгі тергеу басталды. Қажетті сараптамалар тағайындалды. Қазіргі уақытта барлық жағдайлар анықталып жатыр», - делінген полиция хабарламасында.
Бұған дейін Астанада ер адамның әйелді көшеде шашынан сүйреп, ұрып жатқан видеосы тарады. Kozachkov offside телеграм-арнасы видеодағы агрессор танымал қоғам қайраткері Арман Шораев екенін жазды. Ал Шораевтың өзі жасанды инттеллекттің құрбаны болғанын айтып, «осы өтірігің үшін жауап бересің - Козачков» деп жазды Facebook парақшасында.
Еске салайық, 16 маусымнан бастап әйелдердің құқықтары мен балалардың қауіпсіздігін қамтамасыз ету мәселелері бойынша заң күшіне енді. Заңда ұрып-соққан және денсаулыққа қасақана жеңіл зиян келтіргендер қылмыстық жауапкершілікке тартылады.
