Астанада көші-қон заңнамасын бұзған екі шетелдік ұсталды
Оның бірі елден шығарылды
«Мигрант» жедел-профилактикалық іс-шарасы кезінде елордалық полиция көші- қон заңнамасын бұзған екі шетелдікті ұстады, деп хабарлайды Azattyq Rýhy.
«Операция барысында Есіл ауданының көші-қон қызметінің қызметкерлері шетелдік екі азаматты анықтады. Олардың бірі Қазақстанда болу мерзімінен асып кеткен. Оған қатысты әкімшілік хаттама толтырылды. Сот шешімімен ол 5 жыл мерзімге елден шығарылды. Екіншісіне қатысты мемлекеттік шекараны заңсыз кесіп өту фактісі бойынша сотқа дейінгі өндіріс тіркеліп, тергеу амалдары жүргізіліп жатыр», - деп хабарлады ПД.
Жедел шара басталғалы еліміздің көші-қон заңнамасын бұзған 256 шетел азаматы мен 42 Қазақстан Республикасының азаматы анықталды.
42 шетел азаматы Қазақстан Республикасынан шығарылды. Құрылыс алаңдары, мейрамханалар, дәмханалар, базарлар мен сауда орталықтарын тексеру жалғасуда.
