Өскеменде бесінші қабаттың терезесінен секірмек болған ер адам құтқарылды

Өскеменде ТЖМ қызметкерлері 5-қабаттың терезесінен секірмек болған ер адамды құтқарды, деп хабарлайды Azattyq Rýhy.

ТЖМ мәліметінше, 2003 жылы туған ер адам 5-қабаттың терезесінде отырғаны туралы хабарлама келіп түсті. Оқиға орнына келген құтқарушылар шатырдан түсіп, адамның құлап кетуіне жол бермеу туралы шешім қабылдады.

Альпинистік жабдықтың көмегімен құтқарушы Аслан Советов ер адам үшін күтпеген жерден терезеге түсіп, оны пәтердің ішіне қарай итеріп жіберді. Ер адам жедел жәрдем қызметкерлеріне тапсырылды.