Жоқ моншаларды сатқан: Қостанай облысында киберполиция алаяқты құрықтады (ВИДЕО)
Полицияға алаяқтың құрбаны болған 27 адам жүгінген
Қостанай облысында киберполиция жоқ моншаларды сатқан алаяқты құрықтады, деп хабарлайды Azattyq Rýhy.
24 жастағы Лисаков тұрғыны өзін монша мен ағаштан жасалған басқа да бұйымдар жасаушы ретінде таныстырып, ОЛХ және WhatsApp арқылы хабарландырулар қойған.
«Ол адамдардың сенімін асыра пайдаланып, клиенттермен кездесулер ұйымдастырған. Бірнеше рет алаяқтық жасағаны үшін ол 7 жылға дейін бас бостандығынан айырылып, мүлкі тәркіленеді», - деді Қостанай облысы ПД киберқылмысқа қарсы іс-қимыл бөлімінің бастығы Олжас Магыпаров.
Сонымен қатар ол моншалар мен ағаш паллеттер жасауға келісімшарттар жасаған. Қылмыстық жолмен ол 15 миллион теңге пайда тапқан.
Қаскүнемнен зардап шегушілер негізінен жеке үйлердің иелері, Қостанай облысы аудандарының тұрғындары болды. Жедел-іздестіру іс-шаралары барысында күдікті облыс орталығында кезекті заңсыз тапсырысқа барар жолда ұсталды. Қазіргі уақытта 27 факті бойынша сотқа дейінгі тергеу жүргізіліп жатыр.
