Ақсу кәсіпорнының директоры әйелін өлімші етіп сабаған – Дина Таңсәрі

Павлодарда полиция мен зорлықшы ауыз жаласқан. «НеМолчи» қоғамдық қорының басшысы Дина Таңсәрі өзіне келген осындай хатты жариялады, деп хабарлайды Azattyq Rýhy.

Хат мәтіні бойынша, Ақсу кәсіпорнының директоры Ринат Ихиенов деген кәсіпкер бірнеше жыл бойы әйелі мен баласына зорлық көрсетіп келген. Оның полиция мен денсауық сақтау саласында таныстары болған. 26 мамырда бизнесмен әйелін қатты сабаған, басынан жұдырықтаған, телефонмен ұрған, салдарынан жәбірленуші жабық ми жарақатын алып, есінен танып құлайды.

Түнде ол ес-түсін білмейтін әйелін ауруханаға апарады. Өзінің танысы, полиция қызметкері Арсамак Тохтиевті шақырады. Тохтиев зорлық құрбанына көмектесудің орнына ер адамның жағына шығып, әйелді қайтадан күйеуінің қолына тапсырады. 28 мамырда полицей жәбірленушіні қорғау ұйғарымын шығарған. 30 мамырды Ринат Ихиеновке тек ескерту беріледі.