Шығыс Қазақстанда үш жасар бала суға батып кетті

Шығыс Қазақстан облысында үш жасар бала Уланка өзеніне батып кетті, деп хабарлайды Azattyq Rýhy.

Қайғылы оқиға 2 маусым күні Ұлан ауданының Жанұзақ ауылында болды.

ШҚО ТЖ департаментінің ақпаратынша, Уланка өзенінде 2021 жылы туған бала батып кеткен. Алдын ала болжам бойынша ол ата-анасының қарауынсыз қалған.

Облыстық ТЖД ата-аналардан балаларын көзден таса қылмауды сұрайды. Балаларды су айдындарына ойнауға жібермеген жөн.

Естеріңізге сала кетейік, өткен демалыста Қызылорда облысында екі жасөспірім Сырдария өзеніне батып көз жұмды. 9-сыныптың оқушылары жабдықталмаған жерде шомылған.