Алматы облысында барымташылар ұсталды

Зардап шеккендер шамамен 5 млн теңге шығынға батқан

Фото: polisia.kz

24-26 мамыр аралығында Алматы облысында мал ұрлығының алдын алу мақсатында «Мал ұрлығы» жедел-профилактикалық операциясы орындалды.

Облыстық Полиция департаменті КПБ басшысы Руслан Смағұловтың айтуынша, криминалдық полиция басқармасының қызметкерлері Жамбыл АПБ жедел уәкілдерімен бірігіп, Жамбыл және Қарасай аудандарында мал ұрлығымен айналысқан екі барымташыдан тұратын топты қолға түсірді. Қазір олардың мал ұрлығына қатысты бес факт дәлелденді. Зардап шеккендердің жалпы шығыны шамамен 5 млн теңге болды.

Күдіктілер УҰИ-на қамалды. Ұсталғандардың басқа да осыған ұқсас қылмыстарға қатысы бар-жоғы тексерілуде.

Мақалада

#Алматы облысы #мал ұрлығы #ұрлық #полиция #барымташы

Алдыңғы жаңалық

«500 метр жерге 15-20 минут жүреміз»: Астананың сол жағалауындағы шұңқыр жолды жөндеуге ақша табылмай отыр (ВИДЕО)