Астананың қақ ортасында тапаншадан оқ атқан ер адам ұсталды (ВИДЕО)

Темірхан Айжан

Екі жігіттің үстінен қылмыстық іс қозғалды 

Астананың қақ ортасында тапаншадан оқ атқан ер адам ұсталды (ВИДЕО)
Фото: скриншот

Бүгін Астана қаласының полиция департаменті қала тыныштығын бұзған адамдардың үстінен қылмыстық іс ашылғанын мәлімдеді, деп хабарлайды Azattyq Ruhy.

«Полиция қызметкерлері жедел-іздестіру іс-шараларын жүргізіп, «Киа» маркалы автомашинаның ауаға оқ атқан жүргізушісін анықтап, ұстады. «Glock» маркалы тапанша тәркіленіп, сараптама тағайындалды. Бұл факт бойынша қылмыстық іс тіркелді. Тергеу жүріп жатыр», - делінген хабарламада.

Бұған дейін желіде «21 мамырға қараған түні Астанада «Думан» қонақ үйінің жанындағы  автотұрағында белгісіз адам тапаншадан оқ атты» деген хабарлама тараған болатын.

Екі жігіт тапаншамен оқ атқаннан кейін жасырынуға тырыспаған. Олар әлеуметтік желіге суреттері мен видеоларын жүктеген.

×
Бұл желілік ресурстың ақпараттық өнімдері 18 жастан асқан адамдарға арналған.