Ақтауда мектеп оқушылары қатарласын топтасып ұрып-соққан: полиция түсінік берді

Желіде мектеп оқушысын құрдастары ұрып-соғып жатқаны түсірілген видео тарады, деп хабарлайды Azattyq Rýhy Zakon.kz-ке сілтеме жасап.

Telegram-арналардың бірінде жарияланған жазбаға сүйенсек, Маңғыстау облысындағы №28 мектептің оқушылары қатарласын топтасып ұрып-соққан.

Видеодан оқушыны әуелі ғимараттың артындағы спорт алаңынан қалай алып кеткені көруге болады. Сосын балалар оны тепкілейді.

Маңғыстау облыстық полиция департаменті бұл оқиғаға қатысты түсінік берді.

«Бұзақылық фактісі бойынша қылмыстық іс қозғалып, тергеу амалдары жүргізіліп жатыр. Тергеу мүддесі үшін басқа деректер жария етілмейді», - деп хабарлады полиция.