Павлодар облысында полицейлер көпірде салбырап тұрған мас адамды құтқарды

Azattyq Rýhy

Полицейлердің уақытылы және сауатты әрекеттерінің арқасында адамның өмірі сақталды

Павлодар облысында полицейлер көпірде салбырап тұрған мас адамды құтқарды
Фото: polisia.kz

Павлодар облысында полицейлер мас күйдегі адамды суицидтен құтқарды, деп хабарлайды Azattyq Rýhy Polisia.kz-ке сілтеме жасап.

Полицияға «Теміржол көпірінде ер адам асылып тұр» деген қоңырау түсті. Дереу оқиға орнына автопатрульдердің экипаждары жіберілді. Ер адамның мас күйде екені анықталды.

«Біз дереу құтқару шараларын қабылдадық. Оның тағдыры бірнеше секундта шешілетін болды. Көпірден ер адамды тартып алу мүмкін емес екені түсінікті болды. Сондықтан біз тросты алып, оның көмегімен павлодарлықты қоршаудан алып шықтық. Адамды құтқару кезінде бізде бір мақсат болды – оның өмірін сақтап қалу», – деді сол күнгі оқиғамен бөліскен патрульдік полиция батальоны взводының командирі Еркебай Өтегенов.

Полицейлер жедел жәрдем көлігін шақырып, ер адамды дәрігерлерге тапсырды. Полицейлердің уақытылы және сауатты әрекеттерінің арқасында адамның өмірі сақталды.

Тәртіп сақшыларының өздері өз әрекеттерін адамды құтқару міндетіміз деп санайды.

×
Бұл желілік ресурстың ақпараттық өнімдері 18 жастан асқан адамдарға арналған.