Оралда 9 қабатты үйден өрт шығып, 50-ден астам эвакуацияланды

Орал қаласында 9 қабатты үйде өрт шығып, 50-ден астам адам эвакуацияланды. Бұл туралы БҚО ТЖ департаментінің баспасөз қызметі мәлім етті, деп хабарлайды Azattyq Rýhy.

ТЖД мәліметінше, оқиға 29 сәуір күні сағат 08.05-те Зачаган кентінде М.Мөңкеұлы көшесі 85/2 мекенжайында болған.

 «Орал қаласында көппәтерлі тұрғын үйдің 7-қабатындағы пәтерлердің біреуінде аумағы 18 шаршы метрді қамтыған өрт болды. Жатын бөлмеде жеке заттар мен жиһаз отқа оранды. Дереу оқиға орнына келген өрт сөндірушілер 53 адамды, соның ішінде 18 баланы эвакуациялады. «Тілсіз жау» сағат 08.33-те оқшауланып, 08.49-да ауыздықталды. Оған жеке құрамнан 35 адам, 13 техника жұмылдырылды. Зардап шеккендер жоқ. Қазіргі кезде оқиғаның себеп-салдары анықталу үстінде», - делінген хабарламада.