Ақтауда 4 жасар бала бесінші қабаттың терезесінен құлап көз жұмды

Жазатайым оқиға 25 сәуір күні кешке 17 шағын ауданда болды. Төрт жасар бала көпқабатты үйлердің бірінің бесінші қабатының терезесінен құлап кеткен. Бала оқиға орнында қайтыс болды, деп хабарлайды Azattyq Ruhy Lada.kz сайтына сілтеме жасап.

Оқиға куәгерлері жазатайым оқиға 25 сәуірде сағат 18:00 шамасында, 17 шағын ауданындағы «Дукат» тұрғын үй кешенінде болғанын хабарлады.

Төрт жасар бала бесінші қабаттың терезесінен құлап кеткен.

«Бала жарақаттарынан оқиға орнында алған көз жұмды. Сот-медициналық сараптама тағайындалды. Оқиғаның мән-жайы анықталып жатыр», - деп хабарлады Маңғыстау облысының полиция департаменті.