«Кәмпит беремін»: Балқашта ер адам балаларды алдап, өз үйіне шақырған

Күдікті ер адам ұсталды

«Кәмпит беремін»: Балқашта ер адам балаларды алдап, өз үйіне шақырған
Фото: istockphoto.com

Балқаштағы үй аулаларының бірінде ер адам балаларға кәмпит беремін деп, оларды үйіне шақырған. Полиция күдіктіні іздеп тапты, ол көп жыл бойы нейропсихиатриялық диспансерде есепте тұрған болып шықты, деп хабарлайды Azattyq Ryhy.

Оқиға 18 сәуірде болған. ekaraganda.kz дерегінше, сол күні аулада жүрген қыздардың бірі анасына біртүрлі ер адам туралы айтқан. Әйел бірден полицейлерді шақырады.

Құқық қорғау органдары 41 жастағы жергілікті тұрғынды ұстады. Ол ұзақ уақыт бойы психоневрологиялық диспансердің есебінде болған. Ер адам денсаулығына байланысты емделуге жіберілді.

Бұрын оның мұндай мінез-құлығын ешкім байқамаған.

×
Бұл желілік ресурстың ақпараттық өнімдері 18 жастан асқан адамдарға арналған.