Павлодар облысында көлік аударылып, жүргізуші көз жұмды

Полиция тексеріс жүргізіп жатыр

Фото: Azattyq Ruhy / Әсет Құндақбаев

Павлодар облысында көлік аударылып, жүргізуші қаза тапты, деп хабарлайды Azattyq Ruhy.

Облыстық полиция департаменті баспасөз қызметінің мәліметінше, 22 сәуірде Аққулы ауданындағы Омбы-Майқапшағай автожолында Шевролет Кобальт маркалы автокөлігінің жүргізушісі рөлге ие бола алмай, жол жиегіне аударылып кетті.

Жол-көлік оқиғасы салдарынан жарақат алған жүргізуші ауруханаға жатқызылды, алайда оны аман алып қалу мүмкін болмады. Ол алған жарақаттарынан қайтыс болды.

Оқиғаға қатысты сараптама тағайындалды, тексеріс жүргізіліп жатыр.

Мақалада

#Павлодар облысы #жол апаты #адам өлімі

Алдыңғы жаңалық

Алматыда полиция көлігі мопед жүргізушісін соғып кетті