Алматыда полиция көлігі мопед жүргізушісін соғып кетті

Алматының қақ ортасында полицияның патрульдік көлігі мопед жүргізушісін соғып кетті, деп хабарлайды Azattyq Ruhy.

Оқиғаның видеосы egov.press telegram арнасында пайда болды. Дереккөзге сүйенсек, жол апаты Жетісу ауданында болған.

 «Полиция патрулінің экипажы шұғыл шақыртуға бару үшін жолдың ортасында бұрылған. Басқа көліктер полицияға жол берген, алайда, мопед жүргізушісі қоғамдық көлік жүретін жолға түсіп алып, заң ережелерін елемей, патрульдік машинамен соғылған. Мопед жүргізушісі медициналық көмектен бас тартты», - деп хабарлады Алматы облысының полиция департаменті.