Су тасқыны кезіндегі адам өлімі бойынша 7 қылмыстық іс қозғалған

Ішкі істер министрінің орынбасары Марат Қожаев кейбір жоғалғандар әлі де іздестіріліп жатқанын айтты, деп хабарлайды Azattyq Ruhy.

«Өкінішке қарай, осындай жағдайлар болды. Барлық дерек бойынша қылмыстық іс тіркелді. Тергеу қажетті процессуалдық шараларды жүргізіп жатыр. Оның қорытындысы бойынша жағдай қалай болғаны анықталады. Олардың жоғалу себебіне кімнің қатыстылығы бар екені тексеріледі»,- деді Марат Қожаев Сенат кулуарында.

Оның айтуынша Абай облысында екі адам іздестіріліп жатыр, Атырау облысында жоғалған адамдардың денелері табылған. Айта кетейік, Қожаев бүгін су тасқыны кезінде жеті адамның қаза тапқанын ресми мәлім етті.