Салтанат Нүкеноваға жедел жәрдем бара жатқан кездегі аудио тыңдалды

Бишімбаев ісі қаралып жатқан елорданың ауданаралық сотында Салтанат Нүкеноваға алғашқы көмек көрсетілген сәттің аудиосы тыңдалды, деп хабарлайды Azattyq Ruhy.

Аудио 2023 жылы 9 қарашада Bau мейрамхансында жазылған.

Жәбірленуші тарап полицейлердің төс жетонына жазылған видеоларда Нүкенованың жалаңаш жатқан денесі көрінетін тұстарды көрсетпеуді сұрады.  

Аудиожазбада жедел-жәрдем шақырылғаннан кейінгі пациентке алғашқы көмек көрсету сәтінің жазбасы естіледі. Жедел-жәрдем көлігі келгенше, диспетчер алғашқы көмек көрсету әдісін телефон арқылы айтып тұрған. Аудионың ұзақтығы бірнеше минутқа жалғасқан.