Ресейдегі Орск қаласында 38 аудан су астында қалды

Орск қаласында 38 аумақ су астында қалды. Бұл жайлы Орск басшысы Василий Козупица өзінің Telegram арнасында жариялаған, деп хабарлайды Azattyq Ruhy.

«Кеңес ауданында жағдай қиын болып отыр. Лесоторговый ауылының тұрғындарын эвакуациялай бастадық. Барлығы 38 аумақ су астында қалды. Жедел деректер бойынша су басу аймағында 6 689 тұрғын үй, оның ішінде 133 көппәтерлі, 25 мектеп пен балабақша, 9 медициналық мекеме, 9 мәдениет нысаны, 27 экономика нысаны бар», - деп атап өтті ол.

ТАСС хабарлағандай, қала басшысы 12 395 адамды қабылдауға дайын қала тұрғындары үшін 16 уақытша орналастыру орны ашылғанын айтты.

Қазір әкімнің айтуынша, су астында қалып, көшірілген орындарда қаланың 1375 тұрғыны бар, олардың саны артып жатыр. Мұнда психологтар мен әлеуметтік қызметкерлер жұмыс істейді, еріктілер көмектеседі.

«Бір мезгілде су басқан аумақтардағы үйлерінде қалып отырған азаматтарды анықтаймыз. Мүмкін біреу денсаулығына немесе басқа себептерге байланысты эвакуацияланбады»,- деп жазды Козупица.

Еске салсақ, Ресейдің Орынбор облысында дамба жарылып, ол жақтан аққан су Қазақстан шекарасына өтті. Қазір ТЖМ, ІІМ, ҚМ жасақтары қаладағы су тасқынына қарсы іс-шараларды жүргізіп жатыр.