Ресейде алтын кеніші опырылып, жұмысшылар үйінді астында қалды

Ресейде алтын кеніші опырылып, 13 адам үйінді астында қалған, деп хабарлайды Azattyq Ruhy RBC-ге сілтеме беріп.

Ресей ТЖМ хабарлауынша, Амур облысының Зейский округіндегі «Пионер» алтын өндіру комбинатының кеніші опырыла құлады. Болжам бойынша, үйінді астында қалған 13 жұмысшы тірі.

Оқиға орнында 25 құтқарушы, ТЖМ техникасының төрт бірлігі жұмыс істеп жатыр.

Өткен жылдың қараша айында Забайкальск өлкесінің Балей ауданындағы «Омчак» алтын кені компаниясының кенішінде де апат болған. Үйінді астында қалған екі адам көз жұмды.