Рудный мектептеріне шабуыл жасау туралы хабарлама тарады

Әлеуметтік желілерде белгісіз біреулердің Рудный мектептерінде шабуыл ұйымдастырып жатқаны туралы хабарлама пайда болды. Қостанай облысының полиция департаменті аталған деректі терістеді, деп хабарлайды Azattyq Ruhy.

«Бұл дерек полицияда тіркелген. Жарияланымның авторын анықтау бойынша тиісті іс-шаралар жүргізілуде. Азаматтардан арандатушылыққа берілмеуін, хабарламаның қайта бағытталуына жол бермеуін және тек ресми ақпаратқа сенуін сұраймыз», - делінген полиция департаментінің жауабында.

Естеріңізге сала кетейік, жалған ақпарат таратқаны үшін қылмыстық жауапкершілік қарастырылған.