Алматыдағы жер сілкінісі кезінде бір адам зардап шекті

Алматыдағы жер сілкінісінен 18 жастағы жігіт зардап шекті, деп хабарлайды Azattyq Ruhy.

«Денсаулық сақтау басқармасына екі тобығы ішінен сынған 1 адам жүгінді. Мән-жайы анықталуда», - деді Алматы ТЖД басшысы Нұрлан Атығаев.

Қаланың 18 жастағы тұрғынына Балалар шұғыл медициналық көмек көрсету орталығында жәрдем көрсетілген.

Еске салсақ, бүгін Алматыда 5 балдық жер сілкінісі тіркелді. Жер дүмпуі Алматы облысында және Жетісу облысында сезілген.

Авторы: Айжан ТЕМІРХАН