Жетісу облысында жолаушылар автобусы өртеніп кетті

Өрттің себебі анықталып жатыр

Фото: Жетісу облыстық ТЖД

Жетісу облысында жолаушылар автобусы өртеніп кетті, деп хабарлайды Azattyq Ruhy облыстық ТЖД баспасөз қызметіне сілтеме жасап.

Жетісу облысы ТЖД кезекші бөліміне 16 ақпан күні сағат 10:38-де Көксу ауданы Балпық би ауылында жолаушылар автобусының өртенгені туралы хабарлама келіп түсті.

«Оқиға орнына жеткен сәтте жолаушылар автобусының өртеніп жатқаны анықталды. Өрт сағат 10:58-де толықтай өшірілді. Қаза тапқандар мен зардап шеккендер болған жоқ. Өрттің себебі анықталып жатыр», - деп хабарлады ТЖД-ның баспасөз қызметі.

Тілсіз жауды ауыздықтауға Жетісу облысы Төтенше жағдайлар департаментінің 5 қызметкері мен 1 техника жұмылдырылды.

Мақалада

#автобус өртенді #Жетісу облысы

Алдыңғы жаңалық

Қызылордада 9-сынып оқушысы 6 жасар баланы зорлаған: полиция ақпаратты растады