Өскеменде бір ай бұрын жоғалып кеткен әйел іздестіріліп жатыр
Ол үйінен белгісіз бағытқа шығып кетіп, сол күйі қайтып оралмаған
Өскеменде із-түзсіз жоғалған жергілікті тұрғын іздестіріліп жатыр. Оны туыстары соңғы рет осы айдың басында көрген, деп хабарлайды Azattyq Ruhy.
YK-news жазуынша, 43 жастағы тұрғын Светлана Маслова 3 қаңтарда Гвардейская көшесіндегі үйінен белгісіз бағытқа шығып кетіп, сол күйі қайтып оралмаған.
«12 қаңтарда тауыстары полицияға жүгініп, 3 қаңтарда сағат 10:30 шамасында үйінен шығып кетіп қайтып оралмаған 1980 жылы туған Светлана Владимировна Маслованы іздеуге көмектесуді өтінді», деп хабарлады ШҚО ПД өкілдері.
Әйелді іздеуге LIDER.KZ еріктілері қатысып жатыр.
Жоғалған адам туралы қандай да бір мәлімет білетіндер болса, 8-771-466-54-38 нөміріне немесе 102 арнасына хабарласуын сұраймыз.
