Абай облысында үйлерді тонап келген аса қауіпті ұрылар тобы ұсталды

Azattyq Rýhy

Ұрлық және үй-жайға заңсыз кіру фактілері бойынша қылмыстық іс қозғалды

Абай облысында үйлерді тонап келген аса қауіпті ұрылар тобы ұсталды
Фото ашық дереккөзден

Абай облысында үйлерді тонап келген аса қауіпті ұрылар тобы ұсталды, деп хабарлайды Azattyq Rýhy Polisia.kz сайтына сілтеме жасап.

Полиция Абай облысының Аягөз қаласында арнайы операция жүргізіп «сериялық» қылмыстарға қатысы бар ұрылар тобын ұстады. 

Күдіктілер үй-жайларды жайпап тонаумен күн көрген. Былтырдан бері аудан полициясына жергілікті тұрғындардың үйлерінен ақша, қымбат заттар мен зергерлік бұйымдардың ұрланғаны туралы арыздар түсе бастаған. Қолды болған құнды заттардың жалпы сомасы 2 млн 170 мың теңгені құрады. 

«Тергеу мәліметтері бойынша, ұрылар үй иелері жоқ кезде жеке сектордың аумағына кіріп, пластикалық терезелерді сындыру арқылы ішке кіріп, құндылықтарды ұрлап жүрген. Күдіктілер уақытша ұстау изоляторына қамалды. Ұрлық және үй-жайға заңсыз кіру фактілері бойынша қылмыстық іс қозғалды», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.