Астанадағы «Хан Шатыр» сауда ойын-сауық орталығынан өрт шықты

Azattyq Rýhy

Құрбандар мен зардап шеккендер жоқ

Астанадағы «Хан Шатыр» сауда ойын-сауық орталығынан өрт шықты
Фото: 2gis.kz

Астанадағы «Хан шатыр» сауда ойын-сауық орталығынан өрт шығып, адамдар эвакуацияланды, деп хабарлайды Azattyq Rýhy.

23 желтоқсан күні сағат 14.00-де Астана қаласы ТЖД Өрт сөндіру бөлімшелері келіп түскен өрт туралы хабарламаға шықты.

Келген бойда 5 минутта өрт сөндірушілер артқы кіретін жақтан қою қара түтіннің шығып жатқанын анықтады, трансформаторлық қосалқы станцияның 10 ш метр және кабельді шахта 0-ші қабатта өртеніп жатқаны анықталды. Өрттің таралу қаупі жоқ. Құрбандар мен зардап шеккендер жоқ. 

Оқиға орнында жою бойынша жеке құрамның 66 адамы және Астана қаласы ТЖД 14 техникасы өрт сөндіру бөлімшелері жұмыс істеуде.

×
Бұл желілік ресурстың ақпараттық өнімдері 18 жастан асқан адамдарға арналған.