Алматы облысының тауларында қар көшкінін алдын ала түсіру жұмыстары жүргізілді

Алматы облысының тауларында «Ақбұлақ» тау шаңғысы базасының аумағында қар көшкінін алдын ала түсіру жұмыстары жүргізілді. Көшкіндердің жалпы көлемі шамамен 700 текше метрді құрады, деп хабарлайды Azattyq Ruhy ТЖМ баспасөз қызметіне сілтеме жасап.

«Көшкін қаупі бар кезеңнің басынан бастап қар көшкінінің 6 профилактикалық түсуі, 157 жерүсті зерттеуі және көшкін қаупі бар учаскелерге 3 аэровизуалды тексеру жүргізілді», - делінген хабараламада.

Алматы қаласы мен Шығыс Қазақстан облысының таулы аудандарын қорғауды 1 903 қар ұстайтын қалқан қамтамасыз етеді.

Қазселденқорғаудың 78 тұрақты бекеті көшкін жағдайына мониторинг жүргізеді.