Шымкентте жезөкшелік қызмет ұсынған 24 сайт бұғатталды

Azattyq Rýhy

Үш күнде полицейлер жезөкшелікпен айналысқан 52 азамат пен 2 жеңгетайды полиция басқармасына жеткізді

Шымкентте жезөкшелік қызмет ұсынған 24 сайт бұғатталды
Фото: Polisia.kz

Шымкент полициясы жезөкшелік қызмет ұсынған 24 сайтты бұғаттады, деп хабарлайды Azattyq Ruhy ІІМ баспасөз қызметіне сілтеме жасап.

Жеңіл жүрісті қыздар өз қызметін ұсынған интернет-сайттарды ұйымдасқан қылмысқа қарсы күрес басқармасының жедел уәкілдері «STOP-трафик» профилактикалық іс-шарасы барысында анықтады. Олар «Кибернадзор» бағдарламасының көмегімен бұғатталды.

Үш күннің қорытындысы бойынша полицейлер жезөкшелікпен айналысқан 52 азамат пен 2 жеңгетайды полиция басқармасына жеткізді.

Сонымен қатар шара барысында ҚР ӘҚБтК-нің 449-бабы бойынша қоғамдық орындарда тиіскені үшін 22 адам жауапқа тартылды. Осы кодекстің 450-бабы бойынша жезөкшелікпен немесе жеңгетайлықпен айналысу үшін жалға үй-жай берген 9 адамға айыппұл салынды.

×
Бұл желілік ресурстың ақпараттық өнімдері 18 жастан асқан адамдарға арналған.