Жетісу облысында мыңға жуық ағашты отап, тиеп алып кеткендер анықталды

Жетісуда жол бойындағы орман жолағынан ағаштарды заңсыз кескені үшін екі қала тұрғынына айыппұл салынады, деп хабарлайды Azattyq Ruhy.

Облыстық полиция департаментінің хабарлауынша, аталған факт Ақсу ауданында тіркелген.

Құқық қорғау органдары жаңа кесілген ағаштарды тиеген тіркемесі бар жүк көлігін ұстады. Тексеру барысында Қызылағаш және Сағабуйен кенттері арасында ағаштар кесілгені анықталды.

«Орман алқабында барлығы 1000-ға жуық ағаш кесілді. Көлемі мен келтірілген залал әзірге белгіленуде. Факті бойынша ҚР Қылмыстық кодексінің 340 - бабының көзделген қылмыстық іс қозғалды (ағаштар мен бұталарды заңсыз кесу, жою немесе бүлдіру)», - деп хабарлады Ақсу ауданының полициясы.

Заңсыз кесілді деген күдікпен іс материалдарында Талдықорған мен Алматыдан келген 1985 және 1995 жылдары туған екі тұрғын тіркелді.

Ұсталғандарға қатысты «келу туралы міндеттеме» процедуралық мәжбүрлеу шарасы таңдалды.