ШұғылҚазақстанда маусым айында пневмониядан 628 адам қайтыс болды

Алматы облысында блок-бекеттерді айналып өтпек болған азаматтар ұсталды

Облыстың 48 тұрғыны жауапқа тартылған

Фото: polisia.kz

Алматы облысының тұрғындары блок-бекеттерді айналып өтуге тырысуда, деп хабарлайды Polisia.kz. 

Бүгінгі күнге дейін облыстың 48 тұрғыны ҚР ӘҚбК 476-бабының талаптарын бұзғаны үшін жауапқа тартылған. Оның 30-ы әкімшілік қамаққа алынса, қалғандарына 10 АЕК мөлшерінде айыппұл салынған.

«Талдау бойынша төтенше жағдай жарияланғанда тұрғындардың 60 пайызы қала мен облыс арасында қажеттілік бойынша қатынас жасауға мәжбүр болған. Өйткені олардың жұмыс орны, білім алуы есепке алынды. Ал, қазір ондай қажеттіліктер жоқ. Осыған орай, айналып өтуге тырысатындар саны азайды. Аз болғанмен, кейде кездеседі»,- деді Алматы облысы ПД ӘПҚ бастығы полиция полковнигі Дәулет Молдаханов.

Атап айтқанда, жақында Іле ауданының тәртіп сақшылары төтенше жағдай тәртібін бұзуға әрекет еткен Қоянқұс ауылының 30 жастағы тұрғынын ұстаған. Ол Алматы қаласының Көкжиек ауданына өтіп кетпекші болған.

«Алайда, құқық бұзушының жымысқы ойы жүзеге аспады. Ұсталған азаматша өз кінәсін мойындады. Оған ҚР ӘҚбК 476-бабына сәйкес әкімшілік хаттама толтырылды. Сонымен қатар құқық бұзушының бұған дейін ҚР Қылмыстық кодексінің 106-бабына сәйкес денсаулыққа қасақана ауыр зиян келтіру дерегі бойынша сотталғаны және пробациялық бақылауда есепте тұрғаны белгілі болды», - деп атап өтті полиция подполковнигі Молдаханов.

Сұхбат
Юрий Ким адамдарды жаппай егу нәтижесінде індет 2023 жылы тоқтауы мүмкін дегенді айтты
Бүгінге дейін облыста COVID-19  вирусын жұқтырған 613 адам тіркелді
Бүгін сайлауалды үгіт-насихат жұмыстары тоқтады