ШұғылҚазақстанда өткен тәулікте 78 адамнан коронавирус инфекциясы анықталды

Заңсыз айналымнан 2 млн маска мен 4 мың костюм тәркіленді – ІІМ

Рейдтік жұмыстарға 2 мыңнан астам ерікті қатысқан

Брифинг барысында Ішкі істер министрі Ерлан Тұрғымбаев төтенше жағдай режиміне қарамастан жұмысын жалғастырған сауда үйлері, ойын-сауық орталықтары көп екенін мәлімдеді.

«Карантиндік режимді сақтамағаны үшін 1800 заң бұзушы анықталды. 400-ден астамы әкімшілік қамауға алынды. 500-іне айыппұл салынды. Қалған іс сотта», - деді Е.Тұрғымбаев.

Қорғаныс құралдары мен антисептиктер сатып, байымақ болғандар да ұсталған.

«Полицейлер мұндай 27 фактіні тіркеді. Заңсыз айналымнан 2 млн-нан астам маска мен 4 мың қорғаныс костюмі тәркіленді. 4 тонна дезинфекциялық тауарды азаматтар қымбатқа сатпақ болған. Кінәлілер жауапқа тартылуда», - деді бұл жайында Е.Тұрғымбаев.

Рейдтік жұмыстарға 2 мыңнан астам еріктілер де тартылыпты. Олардың көмегімен 240-тан аса тәртіпбұзушылық анықталған.

Абай Сейфулла, Нұр-Сұлтан