Қарағанды-Теміртау трассасында көлік жанып кетті

3 қазан күні Қарағандыдан Теміртауға баратын жолда көлік жанып кетті, деп жазады Azattyq Ruhy ekaraganda.kz порталына сілтеме жасап.

Облыстық ТЖД пультіне көлік жанғаны туралы хабарлама 3 қазан күні сағат 16:44-те түскен.

«Теміртау қаласында, «Алматы-Екатеринбург» автомобиль жолының 1046-шы шақырымында Mercedes-Benz маркалы көлігі толық жанып кетті. Өрт аумағы – 3 шаршы метр. Өрт ТЖД күштерімен сағат 17:05-те ауыздықталды. Қаза тапқандар мен зардап шеккендер жоқ», - делінген хабарламада.

Бүгінгі таңда өрттің шығу себептері анықталып жатыр.