Өзбекстанда науқастарды коронавирустан емдейтін дәрігерлер айына $ 2,5 мың алады

Өзбекстанда коронавируспен ауыратын науқастармен байланыста болған дәрігерлер айына $ 2,5 мың алады, деп хабарлайды Forbes.kz.

«Карантин кезеңінде коронавирус жұқтырған науқастармен қарым – қатынаста болған дәрігерлерге, эпидемиологтарға ай сайын 25 млн сом мөлшерінде ынталандыру төлемдері төленеді, медбикелер мен зертханашыларға – 15 млн сом, санитарлық қызметкерлерге – 10 млн сом, өзге де қызметкерлерге - 5 млн сом мөлшерінде ынталандыру төлемдері төленеді », - деді Шавкат Мирзиеев.

Ресми бағам бойынша төлем шамамен $2,5 мың, $1,5 мың, $1 мың және $500 құрайды.

Сонымен қатар, жұмыс барысында коронавирусты жұқтырған медицина қызметкерлеріне 100 млн.сом ($10 мың) жеке төленеді.