Алматы облысында атыс болып, бір адам қайтыс болды
Жедел-іздестіру іс-шарасы барысында полиция қызметкерлері атыс қатысушыларын ұстады
Алматы облысында атыс шығып, бір адам қаза тауып, төрт адам жарақат алды. Бұл туралы Алматы облысы Полиция департаментінің бастығы Бауыржан Әленов мәлім етті, деп хабарлайды Azattyq Ruhy.
Жедел-іздестіру іс-шарасы барысында полиция қызметкерлері атыс қатысушыларын ұстады.
Адам өліміне алып келген атыс 7 қыркүйек күні болған. Іле ауданының ОАА-ға тегіс ұңғылы қарудан жарақат алған 4 жергілікті тұрғын түсті. Тағы бір адам ауруханаға барар жолда қайтыс болды.
«Аталған деректер ҚР ҚК 99-бабы (Кісі өлтіру) және ҚР ҚК 293-бабы 3-бөлігі (бұзақылық) бойынша тіркелді. Оқиғаға қатысушыларды полиция қызметкерлері анықтап, ұстады. Жағдайлар анықталуда», - деді Алматы облысы полиция департаментінің бастығы Бауыржан Әленов.
ПД бастығы қазіргі уақытта сараптамалық тексерулер тағайындаумен барлық қажетті тергеу шаралары жүргізіліп жатқанын хабарлады. Оның сөзінше, Алматы облысында жағдай тұрақты және бақылауда.
