Қарағандыда жол жөндеу жұмыстарының салдарынан автобус үлкен шұңқырға түсіп кетті

Қарағандыда Гончарная көшесінде қоғамдық көліктің қатысуымен жол-көлік оқиғасы болды. №41 бағыттағы автобус үлкен шұңқырға түсіп кетті. Куәгерлердің айтуынша, транспорт аударылудың сәл-ақ алдында қалды, деп хабарлайды Azattyq Ruhy ekaraganda.kz-ке сілтеме жасап.

Полицейлер аталған факті бойынша әкімшілік хаттама жасалғанын мәлімдеді.

Жол-көлік оқиғасы кезінде автобустың ішінде болған жолаушылар қатты қорқып қалған. Өйткені қоғамдық көлік жолаушылармен аударылып кете жаздаған. Әйнектердің бірі де сынған. Абырой болғанда, жолаушылардың ешқайсысы ауыр жарақат алған жоқ.

Қарағанды облысының полиция департаменті жол-көлік оқиғасы фактісі бойынша әкімшілік хаттама жасалғанын хабарлайды. Барлық материалдар шешім қабылдау үшін сотқа жіберіледі.