Ақтауда суицид жасамақ болған қыз Каспийге секіріп кетті

Ақтауда өмірімен қоштаспақ болған қыз Каспийге секіріп кетті, деп Azattyq Ruhy inaktau.kz-ке сілтеме жасап хабарлайды.

Әлеуметтік желілерде өткен түнде Ақтау тұрғыны 15 шағын аудандағы бөгеттен секіріп суицид жасауға тырысқаны туралы ақпарат тарады.

«Қыз өз-өзіне қол жұмсамақшы болып жатыр деген қоңырау түсті. «Мираж-5» экипажының қызметкерлері дереу сол жерге кетті, алайда олар келгенше қыз бөгеттен секіріп кеткен екен», - деп хабарлады полиция.

Оқиға орнына келген полиция аға лейтенанты Алғалиев жедел әрекет етіп, қызды судан шығарды.

Полиция қызметкері мен өз-өзіне қол жұмсамақ болған азамат ауруханаға жеткізілді. Қазіргі уақытта екеуінің де жағдайы тұрақты.