Шымкентте жеңіл көлікпен соқтығысқан скутер жүргізушісі ауыр жағдайда ауруханаға түсті

Шымкентте 13 тамызда кешкі сағат 7 шамасында Тәшенов пен Иляев көшелерінің қиылысында жол-көлік оқиғасы болды, деп хабарлайды Azattyq Ruhy.

Оқиға орнында Chevrolet пен скутер соқтығысқан. Екі көлік те Ташенов көшесімен бір-біріне қарама-қарсы бағытта жүріп келе жатқан.. Тәуке хан көшесі жағынан келе жатқан Chevrolet қиылыста Іляев көшесіне бұрылғысы келген. Ал Скутердің жүргізушісі Желтоқсан көшесінен тура келе жатқан. Екі көлік бағдаршамның тұсында соқтығысты. Қатты соққыдан скутердің жүргізушісі түрлі жарақаттар алып, ауыр жағдайда ауруханаға жатқызылды.

Жол-көлік оқиғасының егжей-тегжейін құқық қорғау органдары тексеруде.