Оралда суға батып кеткен жасөспірімнің әкесі де есін жимастан қайтыс болды

Орал қаласында өзенде құтқарылған ер адам қайтыс болды, деп Azattyq rýhy «Мой город» порталына сілтеме жасап хабарлайды. 

13 тамызда сағат 16:47-де құтқарушылардың пультіне Жағалау көшесіндегі Жайық өзеніне үш адамның батып бара жатқаны туралы хабарлама келіп түскен. 

49 жастағы ер адам және 12 және 17 жастағы екі жасөспірім суға батып кетті. Құтқарушылар ер адам мен 12 жасар баланы судан шығарып үлгерді, ал 17 жасар жасөспірімнің денесі төрт сағаттық іздеуден кейін табылып, судан шығарылды. Қайтыс болған бала бұған дейін құтқарылған ер адамның ұлы болып шықты.

Кейінірек БҚО ТЖД-да 49 жастағы ер адам құтқару кезінде ес-түссіз болғанын хабарлады. Құтқарушылар жүрек-өкпе реанимациясын жүргізіп, жедел жәрдем қызметкерлеріне тапсырды. Алайда, ер адам реанимациялық шараларға қарамастан есін жимаған күйі көз жұмды.