Қызылорда облысында егіз сәбиін сатты деген күдікті әйел анықталды

Қазіргі кезде тергеу әрекеттері жүргізіліп жатыр

Фото: iagorod.kz

Қызылорда облысында егіз сәбиін сатты деген күдікті әйел анықталды, деп хабарлайды Azattyq Ruhy ІІМ баспасөз қызметіне сілтеме жасап.

«Қызылорда облыстық ПД Ұйымдасқан қылмысқа қарсы іс-қимыл басқармасының қызметкерлері жедел-іздестіру шараларын жүргізу барысында 2023 жылы туған сәбилерін сатқан 44 жастағы облыс тұрғынын анықтады», - делінген хабарламада.

Аталған оқиғаға қатысты ҚР Қылмыстық кодексінің 135-бабы 1-бөлігімен сотқа дейінгі тергеп-тексеру басталды.

«Күдікті анықталып, қазір тергеу әрекеттері жүргізіліп жатыр. Өзге ақпарат ҚПК-нің 201-бабына сәйкес жариялануға жатпайды», - делінген полиция хабарламасында.

Мақалада

#Қызылорда облысы #қылмыстық іс #Полиция департаменті #бала сату

Алдыңғы жаңалық

Талдықорған маңында жол апатынан екі адам қаза тапты