Бала терең шұңқырға құлады: Павлодар облысында ЖШС бастығына қатысты тергеу басталды

Павлодар облысында ЖШС бастығына қатысты тергеу басталды. Күдіктіге қатысты іс жүргізудің мәжбүрлеу шарасы – келу туралы міндеттеме қолданылды, деп хабарлайды Azattyq Ruhy. 

Айта кетейік, 29 мамыр күні сағат 17:40-та жедел жәрдем аудандардың бірінен облыстық балалар ауруханасының жарақат пунктіне сегіз жасар баланы жеткізген. Анасының айтуынша, бала ауладағы биіктігі 2,5 метрге дейін су құбыры үшін қазылған шұңқырға құлаған. Дәрігерлер баланың жағдайы өте ауыр екенін хабарлаған болатын.

Polisia.kz мәліметінше, аталған факті бойынша осы ауылда жөндеу жұмыстарымен айналысатын ЖШС учаскесінің бастығына қатысты ҚР ҚК 254-бабы бойынша сотқа дейінгі іс жүргізу басталды.